खेलथे कार्तिक अऊ गणराज

खेलथे कार्तिक अऊ गणराज  ओ गौरी माई तोर अंगना।

तोर अँगना वो माई तोर अँगना
खेलथे कार्तिक अऊ गणराज ओ गौरी माई तोर अँगना।

पहली पूजा माई गणेश देंवता के।
गणेश देंवता के माई गणेश देंवता के।

जानथे सब संसार....
ओ गौरी माई तोर अँगना।
खेलथे कार्तिक अऊ गणराज......

मुसवा सवारी माई गणेश  देंवता के।
गणेश देंवता के माई गणेश देंवता के।
मयूर कार्तिक  महराज।
ओ गौरी माई तोर अँगना
खेलथे कार्तिक अऊ गणराज......

रिद्धि सिद्धि माई तोरे  बहुरिया ओ।
तोरे बहुरिया माई तोरे बहुरिया ओ।
अन्न धन के भरे भंडार।
ओ गौरी माई तोर अँगना।
खेलथे कार्तिक अऊ गणराज.....

शुभ लाभ माई तोरे नाती नतुरा ओ।
तोरे नाती नतुरा माई तोरे नाती नतुरा ओ।
सुख समृद्धि सरताज।
ओ गौरी माई तोर अँगना।
खेलथे कार्तिक अऊ गणराज.....

ग्यारह दिन माई सेवा बजाहूं ओ।
सेवा बजाहूं माई सेवा बजाहूं ओ।
मोदक भोग लगाय।
ओ गौरी माई तोर अँगना।
खेलथे कार्तिक अऊ गणराज ओ गौरी माई तोर अँगना।
ओ गौरी माई तोर अँगना.....

                                                                                                                          केवरा यदु "मीरा"
                                                                                                                          राजिम छ0ग0